Ka letsatsi lena 22 Phupu 1888, sechaba sa Basotho se ile sa khobokana ka bongata meahong ea borena bo boholo Matsieng, se le seboko ka morena e moholo, morena Lerotholi, ka lereng o “sekame”, o sekametse ka makhooeng.
Poboli ea Basotho e ne e tsoaloe ke kahlolo ea morena Lerotholi, moo a neng ahlolele morali oa hae, Nkhoo, hore o hlotse nyeoe ea tlhalano (divorce case) e neng e okametsoe ke eena morena Tholo ka seqo.
Nkhoo o ne a nyetsoe ke monna oa Mafeteng ea bitsoang Ts’itso. Ke moo Ts’itso a neng a bolaisa Nkhoo liopa pina ka lereng Nkhoo o se a tella, a hana ho robala le eena.
Khang ea Nkhoo e ne e le hore a ke ke a robala le Ts’itso hobane o se a nyetse basali ba bang ba babeli.
Morena Lerotholi o ile a liha nyeoe ka hore ho ea ka Bibele, monna o lokela ho ba le mosali a le mong, eaba o fana ka qeto ea hore litokelo tsa bana (custody of children) e fuoe morali oa hae Nkhoo. A ba a laela hore Ts’itso a tlo lata likhomo tseo a neng a nyale Nkhoo ka tsona.
Kahlolo ena ea halefisa Basotho ba bangata ka lereng morena o kenya metsi ka moeli. O etsa likahlolo tsa makhooa empa eena morena e se Mokreste.
Sets’oants’ong ke Matsieng kajeno.
