Mahlomola Letsie
Ka letsatsi lena 20 Phupjane 2016, eo e neng e le tonakholo ea Lesotho, Pakalitha Mosisili, o ile a netefaletsa lefats’e le Basotho hore o thakhola lipatlisiso mabapi le lefu la molaoli oa mehleng oa sesole sa Lesotho, Lieutenant General Maaparankoe Mahao.
Mahao o ne a bolaoe ke litho tsa sesole sa Lesotho ka la 25 Phupjane 2015.
Komisi ea batho ba leshome e neng e eteletsoepele ke moahloli Mpaphi Phumaphi e ile ea supa ha bolaoli ba sesole sa Lesotho ba ka nako eo bo neng bo eteletsoepele ke Lieutenant General Tlali Kennedy Kamoli, bo nkha lefotha.
Empa eaba Mosisili o ema thabeng o hana ho amohela tlaleho eo ea Phumaphi ho fihleletse linaha tsa SADC li ‘mitsetsa naheng ea Botswana moo li ileng tsa bua ka thata le eena ba re a khethe hore o hana ho amohela tlaleho ea Phumaphi kapa Lesotho le lelekoe kahara mokhatlo oa linaha tsa SADC.
Mosisili o ile a tsoapetsa mohatla a itlama hore o tla amohela tlaleho ea Phumaphi.
Empa a boela a etsa “bolotsana” a hlakola mabitso a masole a neng a ameha. Empa hamorao ka its’oela mokhubu a fana ka tlaleho e feletseng.
