Vodacom Lesotho kajeno e qeta lilemo tse 28 e hokahanya Basotho ka marangrang a mehala ea letsoho ho tloha ka letsatsi lena 1 Mots’eanong 1996.
E ne e qale e bitsoa Vital Communications Link (VCL), ‘me e sebeletsa Maseru feela e ne e namele Mafeteng, Leribe, Berea le Ha Mohale (letamong) kamora lilemo tse peli tsa ts’ebetso ka selemo sa 1998.
VCL e ne e le selekane sa ‘muso oa Lesotho ka liabo tse 12% le company ea Afrika Boroa, Vodacom ka liabo tse 88%. VCL E FETOHA VCL Kamora lilemo tse 6 tsa ts’ebetso, ‘muso oa Lesotho o ile oa nyahlatsa company ena eaba liabo tsa ‘muso li fuoa company e ikemetseng e ipitsang Sekhametsi Consortium. Eaba Vital Communications Link (VCL) e fetoha Vodacom Lesotho (VCL). VCL e ncha ena ea nto thakhola ts’ebeliso ea melaetsa e mekhuts’oanyane (SMS) lekhetlo la pele Lesotho. Ea e bitsoa “tsoibila”.
