Ka letsatsi lena 9 Phupu 1947, mobusi oa Lesotho oa ka nako eo, Mofumahali ’Mants’ebo Seeiso, o ile a ngolla ’musisi e moholo oa Lesotho, Aubrey Denzil Forsyth-Thompson, a kopa tumello ea ho aheloa liofisi Matsieng.
Mofumahali ’Mants’ebo o ile a etsa thapeli ho ’musisi Thompson ka ha makhooa e ne e le oona a busang Lesotho hore o ne a se a buile le ’moloki oa matlotlo a ’muso (Treasury) hore a mo tsoepelele chelete ea ho aha.
Chelete eo Mofumahali ’Mants’ebo a neng a e kopa e ne e le £107.17 eo boleng ba eona ha e tla ka ho Maloti kajeno ekabang M119 510.00 (hoo e ka bang US$7 400).
