Ka letsatsi lena 15 Phupu 1839, mosali oa bone oa morena Moshoeshoe eleng mofumahali ‘Mantsane, o ile a itihela lilomong tsa Thaba Bosiu a shoa.
Mofumahali ‘Mantsane ea neng a ena le lilemo tse 4 a le lenyalong ka ha a ne a nyaloe ka selemo sa 1835 ha morena Moshoeshoe a le lilemo li 53, o ne a tsoa shoelloa ke lesea le neng le hlahile pele ho nako. Ho feta mona mofumahali ‘Mantsane o ne a poketsoe ke lefu la measles.
O ne a e na le ngoana a le mong feela e leng morena Ntsane.
