Monna ea reheletseng Ladybrand ka mosali oa hae o’a shoa

Ka letsatsi lena 14 Phupu 1888, Leburu le neng le hlorisa Basotho haholo nalaneng ea Maburu, eleng Mopresident Johannes Brand o ile a timela a le lilemo li 64 a le Mangaung (Bloemfontein), a ntse a le ts’ebetsong (died in office). 

Brand ea neng a rutehile haholo a ntse molao mose ho maoatle ebile e le emong oa Maburu a pele ao e neng e le litho tsa mokhatlo oa sekhukhu oa borui, o bitsoang Freemasonry oo leqhetsoana la teng le bitsoang Illuminati, o ne a khetheloe ho ba president ea Maburu ka selemo sa 1863. Lilemo tse peli kamora mona a hlasela Basotho ka letoto la lintoa tse ileng tsa tuma ka lebitso la Seqiti. 

Motse oa Brandfort o Freistata o reheletsoe ka eena. Athe metse ea Zastron le Ladybrand e reheletsoe ka mosali oa hae.