Ka letsatsi lena, 7 Pulungoana 1897, morena Mopeli moena oa morena Moshoeshoe o ile a hlokahala a ena le lilemo tse 87. O ile a hlokahalla Qwaqwa, Afrika Boroa moo eneng ese ele morena teng, empa a pateloa Thaba Bosiu, Maseru.
‘Me oa hae e ne e le ‘Mants’ebo. O na hlahile ka selemo sa 1810.
Eaba moruti Eugene Casalis o kolobetsa morena Mopeli ka selemo sa 1843 le ho mo reha Iebitso la sekhooa la Paulus. A ba a mo isa sekolong Cape Town le bara ba bang ba Moshoeshoe. Empa ba qabana le makhooa ba khutlela hae. Eaba morena Mopeli eena ha a khutlele Lesotho o leba Mabolela (Ladybrand) moo a ileng a etsoa morena oa Basotho ba neng ba phela moo ka 1848.
Morena Mopeli o ile a kopa tjako naheng eo ho neng ho qeta ho lelekoa morena Oetsi oa Makholokoe, eleng Qwaqwa ka selemo sa 1866. O ne a fuoe tjako ke Johannes Brand, moetapele oa Maburu.
You have 1 free article left this month. Create a free account for 15 articles/month.
Create free account
