Ka letsatsi lena 27 Phato 1849, meeli ea pele ea Lesotho le jooeng ke makhooa e ile ea phatlalatsoa.
E ile ea phatlalatsoa ke Henry Warden eena a fuoe taelo ke Harry Smith enoa eo motse oa Harrismith o reheletsoeng ka eena.
Eka Smith eo e neng e le ‘musisi oa Kolone Kapa, o ne a ile a robatsoa ka leqeba ke hore morena Moshoeshoe o ile a tsoa tlase tumellano ea moo a neng a kholisoa £75 ka selemo eo kajeno e ka bang £19 000 kapa M334 000 ka Maloti, hore a thibele Maburu a seke a jaka Freistata.
Empa ka pelo ea hae e bonolo, morena Moshoeshoe a lumella Maburu ho aha Freistata. Athe ba tla mo saretsa naha.
