Ka letsatsi lena, 6 Mphalane 1966, moketjaneng oa keteko ea pele ea boipuso ba Lesotho o neng o ts’aretsoe Sekolong se Seholo sa Sechaba (NUL), eo e neng e le moetapele oa bohanyetsi Lesotho, Sejabanana Clement Ntsu Mokhehle, o ile a re limpho tse neng li tsoa ‘musong oa Afrika Boroa li hanoe.
Moketjana o ne o hlophuoe ke eo e neng e le mookameli e moholo oa sekolo (chancellor) Sir Hugh Stephenson, botenng ba khosatsana ea Manyesemane, Princess Marina, eo e neng e le moeti oa bohlokoa.
Eare nakong eo eo e neng e le motlatsi oa motsamaisi oa lipuisano paramenteng ea Afrika Boroa, Johannes Jacobus Visser, a emang ho fana ka limpho ho tsoa naheng ea habo, Ntsu Mokhehle a ema a mo tlaka ka lerata ka lereng Maafrika Boroa a se lumelloe ho fa Basotho limpho.
