Ka letsatsi lena 6 Loetse 2003, Motlotlehi Mofumahali ‘Mamohato Bereng Seeiso o ile a siea lefats’e la ba utloang.
O ne a hlokahalle Mants’onyane, Thaba Tseka, retereteng ea Kereke e Kh’atholike. E ne ele ngoana ho fela oa morena Thabo Mojela, morena oa Tebang, Mafeteng.
O ne a etse nalane ka ho ba mosali oa pele ea nyaloang a le mong ho se Sethepu lenyalong ke Motlotlehi Moshoeshoe II ka la 23 Phato 1962, moo Motlotlehi Moshoeshoe II le eena a neng a etse nalane ka ho ba morena e moholo oa pele Lesotho oa ho hloella setulo sa puso ele lesoha ka selemo sa 1960.
Bophelong ba hae o kile a nka marapo a puso makhetlo a mararo:
1. Ka Phupu ho isa Ts’itoe 1970 nakong eo molekane oa hae, Motlotlehi Moshoeshoe II a neng a nts’uoe kahara naha ese khetho ea hae (forced exile) ke puso ea Tonakholo Leabua Jonathan.
2. Ka Tlhakubele ho isa Pulungoana 1990 nakong eo molekane oa hae, Motlotlehi Moshoeshoe II a neng a nts’uoe kahara naha ese khetho ea hae (forced exile) ke puso ea sesole ea Metsing Justin Lekhanya.
3. Ka Pherekhong ho isa Hlakola 1996 nakong eo molekane oa hae, Motlotlehi Moshoeshoe II a neng a sa tsoa timela kotsing ea koloi.
